आम आदमी पार्टीच्या गुजरात युनिटचे अध्यक्ष गोपाल इटालिया यांना दिल्ली पोलिसांनी ताब्यात घेतले आहे. पंतप्रधान नरेंद्र मोदी यांच्यावर आक्षेपार्ह वक्तव्य केल्याप्रकरणी गोपाल इटालिया यांना दिल्ली पोलिसांनी ताब्यात घेतले आहे. गोपाल इटालिया यांच्या आक्षेपार्ह वक्तव्याचा व्हिडिओ व्हायरल झाल्यानंतर भाजपकडून आम आदमी पार्टीवर टीका केली जात आहे. भाजप नेते संबित पात्रा यांनीही पत्रकार परिषद घेऊन हे प्रकरण उपस्थित केले होते.
दिल्ली पोलिसांनी गोपाल इटालिया यांना राष्ट्रीय महिला आयोगाच्या कार्यालयातून आज म्हणजेच गुरुवारी ताब्यात घेतले आहे. उल्लेखनीय आहे की, राष्ट्रीय महिला आयोगाच्या अध्यक्षा रेखा शर्मा यांच्या कार्यालयाबाहेर आम आदमी पक्षाच्या कार्यकर्त्यांनी निदर्शने केली होती. घटनास्थळी पोहोचल्यानंतर दिल्ली पोलिसांनी गोपाल इटालियाला ताब्यात घेतले आहे.