अनेक मोठ्या व्यक्तींचे आणि उद्योगपतींचे खाते असणा-या स्विस बॅंकेला इतिहासातला मोठा फटका बसला आहे. राॅयटर्स वृत्त संस्थेने याबाबतीत अधिक खुलासा केला आहे. गेल्या अनेक वर्षांपासून स्विस बॅंकेचे नाव चर्चेत आहे. आता पुन्हा एकदा या बॅंकेचे नाव चर्चेत आले आहे. स्विस नॅशनल बॅंकेला गेल्या वर्षी मोठा आर्थिक फटका बसला आहे. बॅंकेने सोमवारी याविषयीची माहिती पोस्ट केली आहे. राॅयटर्स वृत्त संस्थेने दिलेल्या माहितीनुसार, स्विस नॅशनल बॅंकेला 2022 मध्ये 132 अब्ज स्विस फ्रॅंक म्हणजे 143 अब्ज डाॅलरचे नुकसान झाले आहे. बॅंकेच्या 116 वर्षांच्या इतिहासात असे पहिल्यांदाच झाले आहे.
समोर आलेल्या आकडेवारीनुसार, स्विस नॅशनल बॅकेने सोमवारी 2022 आर्थिक वर्षासाठी 132 अब्ज स्विस फ्रॅंक चे नुकसान नोंदवले. हे मध्यवर्ती बॅंकेच्या 116 वर्षांच्या इतिहासातील सर्वात मोठे नुकसान दर्शवते आणि स्वित्झर्लंडच्या अंदाजे 18 टक्के 744.5 अब्ज स्विस फ्रॅंकच्या अंदाजे सकल देशांतर्गत उत्पादनाच्या बरोबरीचे आहे. 2015 मध्ये त्याचे पूर्वीचे रेकाॅर्ड नुकसान 23 अब्ज फ्रॅंक होते.
बॅंकेने याविषयी पोस्ट करताना म्हटले की, स्टाॅक आणि स्थिर उत्पन्न बाजारातील घसरणीमुळे त्यांचे शेअर्स आणि बॅांड पोर्टफोलिओच्या मुल्याला नुकसान पोहोचले आहे. त्याचबरोबर मजबूत होत असलेल्या स्विस फ्रॅंकचाही नकारात्मक परिणाम झाला आहे. फ्रॅंक वाढल्याने चलन पोझिशनवर 131 अब्ज फ्रॅंक आणि स्विस फ्रॅंक पोझिशन्सवर 1 अब्ज गमावले.